ADIAA cu serie di topico riba renobacion y drechamento di edificio

Recientemente a tuma luga un get together cu e miembronan di ADIAA. Rafi Kock, presidente di Asociacion di Arkitecto y Ingenieronan na Aruba y tambe ta miembro di Toastmasters Club Jamanota, a splica cu como ADIAA kier trece mas concientisacion di ken nan ta, con por aporta na proyectonan na Aruba.

Pesey a bin cu e idea pa haci un serie di topico unda cu por cuminsa papia cu e publico y integra nan den loke ta e parti di renobacion y drechamento di edificio.

 

Ken ta acerca

Kock a sigui splica cu ADIAA ta un organisacion cu ta traha pa e bienestar di arkitecto y ingenieronan na Aruba y ta busca basicamente pa tin un level plainfield, unda cu por percura pa generacionnan cu ta bin di arkitecto y ingenieronan na Aruba of bin traha na Aruba, por haci esey.

Prome encuentro

E esfera tabata hopi interesante y hopi calido, pasobra nan a haci’e den Cafe di Aruba Experience. E proyecto a cuminsa como un idea pasobra nan ta cana eynan. Kock ta biba den Rancho y ta cana tur dia y ta wak e progreso cu ta pasando eynan. A dicidi e ora como Asociacion, pa bin hunto y e ora cuminsa papia di e topiconan aki, pa asina e publico sa cu nan ta bezig cun’e y ken por papia cun’e ora cu nan tin un proyecto di renobacion.

Diferente panel

Nan tabata tin tres panel. E prome tabata e panel tecnico unda cu a papia mas di e materialnan cu ta wordo uza y e historia di arkitectura cu tin na Aruba.

Despues a papia un poco di e monumentonan, pasobra Aruba tin un historia di monumento cu no ta conoci. Tin hopi historia cu en realidad ta pasando na Aruba  kier bin cu esaki mas dilanti.

E di tres panel tabata e panel di etica, vision y tambe balornan. Ta kere cu mester balora loke nos tin. Tin biaha tin e tendencia cu ora un cos bira bieu, djis bent’e abao. Ta lubida kico e ta representa, ki tipo di historia por a pasa eynan y kico lo por dreche y con facil e ta pa drecha algo na luga di bent’e abao.

Siguiente pasonan

Actualmente ta considerando pa haci mas topico, no solamente di renobacion, pero topiconan general den construccion  y arkitectura y tambe ingenieria, pa asina informa e publico kico tur por haci, kico ta e opcionnan cu tin ora cu tin un proyecto di arkitectura of di edificio of di renobacion. Esey lo haci probablemente den dos pa tres sesion mas e aña aki.

Informacion

Por haya mas informacion riba e pagina di ADIAA riba Facebook, Kock a bisa por ultimo.