Dia 17 di ougùstùs 2010 Kolegio ehekutivo di teritorio insular di Kòrsou a rekonosé Tula ofishalmente komo Héroe Nashonal di nos pais. Rònt mundu héroe nashonal di un pais ta haña rekonosementu, balor i realse na nan persona por medio di estatuanan na lugánan prominente òf sitio nan histériko pa asina keda kòrda e pueblo i bishitantenan di nan ròl i aporte na pais.
Resientemente bosnan di diferente organisashon den nos komunidat a bolbe lanta ku e petishon ku mester pa duna nos héroe nashonal Tula e balor ku e meresé por medio di un estatua den nos sentro di siudat. Partido MAN ta un partido pro emansipashon di nos pais. E idea/petishon pa duna rekonosementu na nos héroe nashonal pa medio di konstrukshon di un parke ku estatua di Tula den nos sentro di nos siudat ta konta ku aprobashon di frakshon di MAN. Aña 2020 lo konmemorá e echo ku ta kumpli 225 aña di e lucha pa libertat lo ta un bon momentu pa duna honor na nos héroe nashonal Tula.
E lucha di Tula a mira su frutanan dia 1 di yüli 1863, ora ku aki na Kòrsou mas ku 12 mil katibu a haña nan libertat. Dia di yüli ta dia internashonal di abolishon di sklabitut. Petishon ta ser hasi dor di diferente organisashon den nos komunidat pa kuminsá konmemorá e dia aki pero, pero tambe pa hasié un dia liber ofishal.
Relashoná ku esaki frakshon di MAN pa medio di un karta a hasi e petishon na Presidente di Parlamento pa konvoká un reunion di komishon sentral pa asina por debatí riba e típiko aki.
