E actor legendario Britanico Sean Connery, conoci pa su papel di James Bond, a muri cu su 90 aña. Su unico yiu, e actor Jason Connery, a bisa cu su tata tabata malo pa algun tempo y a muri durante oranan di anochi rondona pa su famia na Bahamas.
“Ta un dia tristo pa tur cu a conoce y a stima mi tata. Ta un perdida tristo pa tur hende cu a disfruta di e don maraviyoso cu e tabatin como actor,” el a bisa. Connery tabata un di e caranan mas conoci di pantaya grandi desde decada 1960 y 1970 ora el a haci e papel di e agente secreto mas famoso di mundo seis biaha. E papel ey y e forma di interpretacion, a pone cu e actor a bira un di e hombernan mas desea di mundo y un di e icono masculino grandi di siglo XX.
Den añanan 70 algun pelicula di aventura mas recorda cu el a participa den dje tabata como un explorado cu tabata compaña Michael Caine den The Man Who would Be King (1975), como Robin Hood den Robin & Marian (1976) y The Wind and the Lion (1975). Despues di e epoca como homber di accion, su reconocemento a tarda pa explota como actor. Na final di aña 80 esaki a pasa ora el a participa den serie di blockbusters. El a gana su prome premio Oscar cu e pelicula The Untouchables na 1987 como e miho actor secundario. El a participa den Indiana Jones and The Last Crusade como tata di Harrison Ford y capitan di un submarino The Hunt for Red October, tabata papelnan prestigioso p’e generacion nobo.
Sean Connery tabata yiu di un chauffeur di truck y un persona di funcion di haci limpi y a celebra su 90 aña na augustus. El a retira for di actuacion na 2006 y a duna bida publico na 2011 pa disfruta di su retiro na Bahamas. Den e causa independentista Escoces el a probecha di momentonan manera e ceremonia cu reina Isabel a nombr’e como cabayero, unda el a presenta den un saya Escoces pa mustra su origen.
Texto y potret cortesia di EFE/EPA/MARCUS BRANDT/PETER FOLEY/ MAURIZIO BRAMBATTI/EFE/Archivo,
