Departamento di Salubridad Publico (DVG) a informa awe 20 persona mas a recupera, mientras cu tin un total di 19 caso nobo di Covid-19, di cual 1 ta no-residente, (“positivity rate” bou residente ta 15%). E total di casonan activo awe ta 156, total di testnan haci ta 297, testnan haci bou di residentenan na laboratorio di hospital ta 122. E total di casonan di fayecimento relaciona cu Covid-19 a aumenta na 38.
Hospital a informa cu tin un total di 5 persona interna di cual 4 den cuido intensivo y 1 ta isola riba piso general.
E virus di Covid-19 lo no disparce pa awor y e yabi den e pandemia aki ta pa controla e cantidad di contagio of transmision pa preveni cu e cantidad di casonan ta subi demasiado den un tempo cortico. Danki na e esfueso di cada un di nos aki na Aruba nos ta logrando.
Pa nos sigui controla Covid-19 ta importante pa comunidad ta alerta y na prome indicacion di sintoma tuma contacto cu dokter di cas pa por haci un test. Door di isola e casonan positivo nos por controla e virus y stop e di sigui plama.
Ban sigui cuida y practica disciplina consistentemente. Aruba ta conta cu bo pa sigui controla e virus di Covid-19. Uni nos lo vence!
