Diaranson anochi a sosode un accidente basta pisa, uno semi-frontal entre un Mitsubishi Lancer y un Hyundai Accent riba e caminda di Hooiberg, un poco pabou di Hooiberg Supermarket.
N’e sitio a constata cu e accident aki tabata uno basta serio. Den un di e autonan tabatin persona pega, pa cual a manda pidi materiaalwagen di brandweer pa bin duna asistencia y corta e porta di auto. tambe tres unidad di ambulance tambe a presenta pa duna e prome asitencia n’e victimanan.
Despues di un lucha cortico, e bomberonan a logra saca e prome victima for di e Hyundai Accent, cual tabata un cabayero cu basta sla na curpa y tabata sangra. A transport’e di biaha pa hospital pa asistencia medico avansa. E di dos victima tambe tabatin su cara tur na sanger door di e impacto contra di e Mistubishi Lancer.
E di dos unidad di bombero tabata trahando riba e porta di e Mitsubishi Lancer pa asina saca e victimanan cu tabata pega den e auto.
Despues di un rato, a logra corta e porta pa asina saca e victima, un hende homber tambe y cu suma urgencia a transport’e pa hospital.
Informacion cu nos di 24ora.com ta dispone di dje ta cu di e tres personanan herida, di cual dos nan estado ta critico.
Daño material na ambos auto tabata grandi.
