Diaranson merdia, den careda di 12:15PM ta socode un accidente entre un auto y un brommer riba rotonde di Bubali na Noord.
Informacion cu a compila na sitio a indica cu e accident cu a tuma lugar tabata pa motibo di preferencia. E brommer biniendo for di Caya Imelda Catharina Eckmeyer -Bermudez a subi e rotonde trankil mientras e vehiculo biniendo di San Miguel no a para y aki nan a impacta cu otro. Chauffeur di e auto a bisa di no a mira e brommer ta bin y cu consecuencia cu el a dal den brommer riba e rotonde.
E victima riba e brommer a keda levemente herida na sitio. A pidi presencia di ambulance pa asina brinda asistencia medico.
