Dialuna pa casi 11.30 di anochi ta tuma luga un accidente basta pisa den bisindario di Kudawecha cu a laga un persona herida.
Un Lexus maneha pa un dama tabata biniendo di nort bayendo direccion di Jaburibari. Segun por a compronde, el a caba di traha pa 11’or di anochi.
Riba e caminda di Kudawecha un Hyundai Tucson lo mester tabata bayendo direccion Noord. Con nan a dal den otro no ta conoci Pero e impacto tabata hopi fuerte, cu hopi daño material y un di e chauffeurnan herida. Ambulance a transporte pa hospital.
E forma con e autonan a keda para tabata un poco straño y polisnan tecnico a keda basta rato eybou recogiendo dato pa mira con e accidente a sosode. No por a deduci mesora con e accidente lo por a sosode. Polis a transporta e otro chauffeur pa Warda pa lagye haci un test ya cu e tabata mustra señalnandi ta bou influencia di alcohol.
Si esey resulta asina y e ta responsabel pa causa e accidente, e lo tin un gasto hopi grandi. Si e tin seguro, nan ta cubri e daño pero e gastonan por cay pa su cuenta na final si resulta cu e tabata bou influencia.
