Diamars atardi alrededor di 4:45 pm a sosode un accidente na altura di CITGO Sasaki. Ta na e rotonde, unda cu un Ford Fusion a dal tras di un Kia Sportage. Daño material na ambos auto tabata minimo.
E Ford su luz dilanti a kibra mientras cu e Sportage a ricibi un rasca chikito na e bumper. E pasahero di Kia a resulta herida, tabata keha di hopi dolor na su nek tambe na su lomba. Polis di trafico a presenta pa documenta e accidente aki mientras cu paramedico nan tabata brinda atencion medico na e victima. Na final a transport’e pa hospital p’e ricibi atencion medico.
