Diamars atardi alrededor di 4:30 pm polis a presenta na New Tarabana Supermarket p’un caso di ladronicia. Ta un cliente cu a bati alarma cu un hoben a horta su celular den e supermercado.
A mir’e ta core bay direccion di Dakota. Polis a tuma tur informacion necesario y a cuminsa cu un buskeda den e area pa wak si ta topa cu e hoben aki. No ta descarta cu pronto lo pone man riba dje mirando cu tin camera di siguridad tur rond den e negoshi.
