Awe tardi pa 6:20pm a sosode un accidente na e crusada di Mc Donald’s na Palm Beach. Esunan envolvi tabata un auto marca KIA modelo Sportage tabata biniendo for di pariba y un auto marca Lexus color preto cu tabata biniendo for di Marriott Resort.
Ta algun siman caba cu e luznan di trafico no ta funcionando na e crusada menciona y casi diariamente tin accidente tumando luga.
Parce cu un auto a bay duna e KIA un chens y e Lexus preto a dal den dje y lag’e keda para memey di caminda. Ambulance a presenta na e sitio, pero no tabatin herido y como tal ningun di e partidonan a desea di haya tratamento medico. E daño material a resulta bastante.
