Diasabra marduga, na altura di Blue Residences, a tuma luga un accidente, cu no tabata mucho cla.
Ta bin trata aki di un chauffeur femenino, cu pa motibonan desconoci, lo mester a dal su auto sea den vangrail of riba un baranca den vecindario. Polis tabata na e sitio y ambulance tambe a bin, pa asina atende e chauffeur kende tabata levemente herida.
Loke ta di remarca ta cu na momento cu e dama a tuma nota di prensa el a core sconde. Un cabayero den un Ford Mustang color blanco na e sitio, cu no tabata tin absolutamente nada di haber cu e accidente, a haya ta bon pa tira palabranan di insulto pa miembronan di prensa, lubidando e hecho cu ta riba un caminda publico nan ta y cu prensa tin tur su derecho di haci su trabao y informa pueblo di cualkier suceso.
Pa loke ta e accidente mes, e auto a ricibi basta daño material.
