Diasabra anochi a sosode un accidente basta fuerte na Bubali. Un taxista a caba di sali for di e restaurant cu pareha turista. El a subi caminda y bay robez pa asina lora bay direccion pabou.
Un style di U-Turn. Na dado momento e auto biniendo for di pabou a dal den e taxi. E chauffeur a purba kita na man robez pero asina mes a dal e taxi den e porta patras banda di Pasahero. E dama turista sinta patras a keda herida. E tabata sinti su lomba. Polisnan di trafico y di Noord a yega na e sitio. A pidi pa ambulance y e dama a bay Hospital. E auto cu a dal den e taxi no tabata tin documentonan na ordo. Ambos auto a haya hopi daño material.
