Diasabra anochi despues di 11:00pm a pidi presencia di Polis na Motin Bar na Noord pa un chauffeur a reverse den e parkeerplaats pero a dal den dos diferente auto.
Na momento cu Polis a yega na e sitio a constata cu di baina e homber por a para drechi riba su pianan. A test e nivel di alcohol den su rosea y a determina cu e tabata burachi, pa cual a opta pa detene mesora y hib’e Warda di Polis pa e por “pasa su wayaba” sin causa daño na su mes of na otronan.
Diasabra anochi a tuma luga varios control di trafico den areanan specifico. Polis a detene varios chauffeur cu a opta ta stuur aunke nan ta burachi. Ta haci un apelacion na chauffeurnan pa, si bo tin pensa di bebe, pa percura cu Bo tin un chauffeur di “spare” cu Bo pa stuur ora di bay cas.
