Dialuna alrededor di 2:40 pm a sosode un accidente den Rooi Frances. Ta entre un auto marca Suzuki y un Kia. E Suzuki tabata biniendo for di Rooi Frances direccion Sabana Basora y e Kia for di direccion contrario. E Kia ta modelo Sportage, tanto e pasahero como e chauffeur a resulta herida.
Patras, tabatin un pasahero mas sinta hunto cu un baby, pero nan no a resulta herida herida. Ambulance a presenta na sitio p’asina brinda atencion medico n’e victimanan. Polis di trafico a presenta p’asina documenta e accidente aki. Daño material tabata basta na ambos auto. Un takelwagen a presenta mirando cu e Kia no por a sigui riba su propio forsa.
