Diahuebs anochi net prome cu 12or a sosode un accidente basta fuerte entre dos auto. E auto blanco tabata bahando for di Ayo pasando crusada di Sero Pita pa sigui direccion Piedra Plat. Dos ocupante den e auto blanco. E auto a pasa e crusada sin duna preferencia. E auto shinishi tabata biniendo di Tamarijn via Sero Pita pa bay direccion zuid. E dama chauffeur a haye cu e auto blanco cu a crusa su dilanti. E impacto tabata fuerte y e auto blanco a bolter cay bek riba wiel. E auto shinishi a bira 180 grado bay dal den mata di kwihi. Ambos auto a keda hopi kibra. Tres hende a keda herida. Tur tres tabata mester di yudanza di Paramediconan. Dos ambulance a presenta. E dama chauffeur a bay Hospital y e otro heridonan tambe. E dos hombernan por a cana. E dama tabata sinta abou y mester a wordo poni riba cama. Polis a haci investigacion. Un di e autonan mester a wordo saca cu takelwagen. Bisiñanan cu a scucha e klap di e impacto a core Sali bin mira y bati alarma tambe.
