Net un rato prome cu 6or diadomingo atardi, a sosode un accidente basta fuerte net dilanti di Solemare Restaurant. A pidi presencia di polis na e sitio pasobra e trafico a tranka tambe. Tambe a pidi presencia di personal di ambulance pasobra tabata tin hende herida. Na yegada di patruya a cuminsa investiga e origen di e accidente.
E conclui e Getz color di oro a sali for di e crusada net panort di Solemare y pa un of otro motibo no a paga tino cu tin un Toyota Aristo ta biniendo for di pariba. E auto Aristo a dal riba e Getz y bay para riba canto di caminda. Daño material tabata considerabel. Ambulance a presenta na e sitio pasobra cu tin herido leve. Ambulance a atende cu e heridonan y despues esnan herida por a keda na e sitio mes.
Takelwagen a presenta pa asina kita e autonan for di caminda. Polis di trafico a haci un investigacion y hasta midi e largura di e brake di e Aristo. Aunke e Getz a subi caminda su dilanti, tog mester remarca cu e Aristo tabata bin cu velocidad halto y a lasta un brake di 34 meter prome cu el a dal den e Getz. Diariamente e dos cosnan cu mas ta causa accidente ta uso di telefon celular y e otro ta velocidad halto unda na final ta causa di e heridonan den un accidente.
