Un di e prome retonan cu e gobierno nobo a confronta tabata e problema di stranheronan yegando Aruba den forma ilegal cu boto for di Venezuela. E grupo di ilegalnan ta parti den dos, esunnan cu a yega cu avion como turista pero nunca mas a bay y e grupo cu a yega cu boto clandestino y a landa yega nos costa. Prome Minister a bisa na prensa Hulandes cu e ta kere cu e grupo ey ta rond di 10 mil persona. E pregunta ta: Kico haci cu nan awor, nan t’ey caba.
Hopi di nos ciudadanonan ta pensa cu mester deporta nan, di un otro banda, hopi ta pensa miho legalisanan, pa brinda nan un man te ora cu cos bolter na Venezuela y nan por bay bek.
E grupo ta parti casi den mita, 57% ta pro y 43% ta contra. E pregunta ta si nan ta strobando nos economia. Tin hende ta insisti cu no, pasobra nan t’ey caba y ya a integra den nos sistema y nos economia y nos mercado laboral a absorba nan caba. E reto ta cu mientras tanto mas ta sigui bin y purba nan suerte siendo net awo nos economia no ta dje fuerte ey pa por habri caminda y oportunidad pa mas stranhero bin establece riba nos isla.
