Manera un specialista a yega di comenta na 24ora.com, practicamente tur dia tin por lo menos un accidente di ATV of Quadracer. Despues di esun di dialuna atardi na Piedra Plat, awe tin un cu a tuma luga na Mara Wiel.
El a sosode specificamente riba e caminda di Mara Wiel pa Babijn. A sosode algo peculiar na e sitio, ya cu un miembro di prensa cu a kere cu nan no tin celular, a ofrece pa yama Polis y Ambulance, pero a haya como reaccion for di e tourguide, di habla Spaño, cu esaki no ta necesario. Y a bira bisa e turistanan pa nan sigui cu e trip normal.
Esaki mientras cu por a mira cu un di e turistanan tabatin rasca na su pia y e tabata keha di dolor. Asina mes nan a lanta e vehiculo y a move for di e sitio. Kico exactamente a pasa, nan no tabata kier a comenta.
