Accidente cu herido na crusada di Sero Pita

1632

Diaranson anochi pa mas of menos 7’or polis y ambulance ta presenta na crusada di Sero Pita, caminda cu l o tabata tin un persona herida. Ta trata aki di un Toyota Yaris y un Suzuki Ignis, cu dañonan considerabel.

Manera mayoria biaha sa pasa, e Suzuki Ignis a subi e crusada dilanti di e Yaris cu tabata bin di zuid.

Segun chauffeur di e Suzuki, e Yaris lo no tabata tin su luznan cendi, cu a haci cu e no a wak’e. E Yaris a dal contra e porta patras di e Suzuki mandando e di banda.

Den e Suzuki un dama a haya un corta na cabes y atendi na e sitio mes pa e Paramediconan.