Diaranson, pa mas of menos 7’or di anochi, polis di trafico a presenta na e crusada na altura di Palm Beach Plaza, pa un accidente. Chauffeur di un di e autonan, un KIA Rio, a conta cu e tabata para na e crusada ora cu diripente un auto a dal su tras. Un pasahero, cu tambe tabata den e mesun auto, a ricibi sla debi na e imipacto.
Polis a bay atende cu e chauffeur di e Nissan March envolvi den e accidente, pero pa mala suerte di e chauffeur, debi cu e auto no tabata sigura y e tampoco no tabata tin rijbewijs. Di biaha polis a bay over na confisca e auto y a pidi presencia di takelwagen pa asina hiba e March warda. Mientras tanto ambulance a presenta pa asina atende cu e pasahero cu a ricibi golpi debi na e impacto na e sitio mes. Daño na e autonan ta minimal.
