Diasabra marduga alrededor di 1:15 am a sosode un accidente net pariba di rotonde cerca di Jaced Wheels. Ta entre un Kia Sportage color bruin numera A-6175 y un Mitsubishi Lancer color shinishi numera A-37491.
Daño material na ambos auto tabata basta, e daño tabata parti dilanti di e autonan. Tur cos ta mustra cu ta trata di un accidente semi frontal. E chauffeur di e Lancer a admiti cu su auto no tin documento valido y tampoco e tin un rijbewijs valido.
No solamente cu su papelnan no ta na ordo, sino cu e tabata burachi tambe. Ora a haci un test di alcohol cu ne a resulta cu el a surpasa e limite permiti. A deten’e y transport’e pa ward’i polis.
