Un accidente basta fuerte a keda registra riba e caminda di Paradera direccion Sero Patrishi. Un pickup color blanco tabata bay direccion pabou.
E chauffeur di e Suzuki Vitara tambe tabata bay direccion pabou. Na dado momento e chauffeur di e Suzuki a bay lora na man robez pa bay na un adres.
E momento ey e pickup tabata pasando e Suzuki. E pickup a dal den e Suzuki y kita baha caminda y pega den un mata canto di caminda. No tabata tin herida pero si esnan envolvi a pasa den un susto.
