Un caso tristo a sosode na San Nicolas. Dos cacho a ser tira mata. Mainta doño di e cachonan a haya falta di ambos y a sali busca nan drechi.
A bin topa cu tur dos morto. Uno tabata mustra di tabata tira mas trempan caba. E otro tabata mustra di a muri despues pasobra ainda su curpa no tabata stijf. No tin idea ki ora e cachonan a wordo tira. Tampoco e motibo cu nan a wordo tira mata. Presencia di Polis a ser pidi den Marnixstraat. Eynan Polis a topa e doño di e cacho y algun habitante. Ta tende algun bisiña bisa eybanda cu tin varios hende cu arma. E biaha aki a escohe pa los tiro riba e cachonan y mata dos.
E tabata un situacion cruel pa mira. E comentarionan tabata di disgusto con ta tira cos cacho gewoon asina riba caya den un zona habita. Polis a avisa Cuerpo Tecnico pa presenta y tambe recherche. A haci investigacion mesora na e sitio pa mira si por yega na esnan cu a tira. Esnan cu por a mira algo yama 11141 cu ta tipline di Polis. Ta bon pa resolve e caso aki. Ta prome biaha cu e persona aki ta pasa aden. E caso mester a pasa prome cu 12or di anochi. A haya uno den cura di bisiña y otro a muri despues.
