E siman aki Arubaanse Voetbal Bond (AVB) lo organisa un curso pa referee. Recientemente a introduci e plan strategico y den e pilar lo bay duna atencion na e clubnan y liganan. Den esey tin un di e accionnan prescribi ta cu lo bay duna mas curso na e referee. AVB kier pa comunidad sa cu nan ta trahando pa por yega na mas referee, pero tambe pa eleva e nivel di refereenan cu tin.

Constantemente -no solamente na Aruba pero internacionalmente- un di e caracternan, un di e figuranan den mundo di futbol cu ta referee, semper y cuando ta haya hopi critica. Den e caso aki AVB tambe no ta laga esaki pasa bay gewoon asina. A dicidi den su plan stragegico cu pa añanan pa dilanti dedica mas atencion na refereenan. Lo organisa e curso “basis opleiding scheidsrechters” brindando oportunidad na tur esunnan cu ta interesa pa por bira referee.

Hopi biaha ta mira referee na Aruba, pero tin oportunidad pa intersadonan bira referee, no solamente local pero tambe internacional. Tin oportunidadnan grandi pa sigui desaroya y un dia bira referee di FIFA, pa por dirigi weganan internacional.

E aña aki tin Ricky de Lecca cu ta FIFA referee y Jade Salamatin cu ta assistant referee di FIFA. Ta dos referee cu bon trayectoria tras di nan lomba y awe nan ta perform ariba nivel internacional. No solamente esaki ta brinda oportunidad na dirigi weganan local, pero ta e porta y pasashi pa weganan internacional, presidente di AVB, Ing. Richard Dijkhoff a indica.

E curso di referee aki ta pa “beginners” y lo ta di 22 pa 24 di Maart, pero tambe 29 pa 31 di Maart, asina Secretario General di AVB, Reynaldo Geerman a indica. E curso ta pa “beginners” y ta solicita e publico general, specialmente amantenan of hungadonan di futbol cu ta sinti cu por duna aporte como referee, e inscripcion ta habri. E meta ta pa haya 25 participante. Por pasa na AVB y registra pa participa den e curso aki. Valentino Chance lo duna e curso aki y AVB ta gradici e federacion di Corsou di a yuda nan door di pone disponibilidad e entrenador pa yuda cu e curso di referee.

AVB ta organisa curso pa recluta referee nobo

AVB ta organisa curso pa recluta referee nobo

Posted by 24ora on Wednesday, March 20, 2019

Tanto hende homber como hendenan muhe por participa na esaki. Lo duna e curso un parti den e auditorio di AVB y e otro parti riba veld di stadion Frans Figaroa. Diabierna e curso lo ta di 6:00-9:30pm, diasabra ta di 6:00-10:00pm y diadomingo e lo ta di 8:00am-1:00pm. Como rekisito pa por participa na e curso aki mester tin minimo 15 aña.

Comments

comments