Kámara di Komèrsio i Industria ta firma MOU ku Kámara di Komèrsio di Panama

Kámara di Komèrsio i Industria di Kòrsou a firma un MOU ku Kámara di Komèrsio di Panama, organisashon ruman dia  19 di mart 2019.

Ademas di e koperashon mutuo den e area di kompartí informashon i diferente otro topikonan di importansha, e enfoke prinsipal di e MOU ta: resiprosidat. Na Kòrsou kompanianan di Panama por konta ku fasilitashon i resepshon na Kámara di Komèrsio di Kòrsou, pero na otro banda tambe tin e mesun ekspektativanan aki di Kámara di Komèrsio di Panama pa empresarionan di Kòrsou

Diferente eventonan pa negoshi lo bin na disposishon di empresarionan di Kòrsou, spesialmente empresarionan ku a duna di konosé ku nan tin interés den merkadonan internashonal i a registrá nan mes riba curacaobusinesspoint.com.

Eventonan di e Kámaranan lo wordu kompartí riba medionan sosial pa empresarionan di e paisnan por benefisiá di oportunidatnan di negoshi.

E MOU aki a wordu firmá pa Presidente di Kámara di Komèrsio i Industria di Kòrsou Sr. Willem ( Billy) Jonckheer i Direktor Ehekutivo di Kámara di Komèrsio di , Industria i Agrikultura di Panama Sr. Rafael Zuñiga Brid

Si abo komo empresario ta interesa den e topiko aki , por manda nos un e-mail na [email protected]
Empresario, ainda bo no tin bo profil gratis riba Curacao Business Point? Inskribi awor via www.curacaobusinesspoint.com !