Falta solamente dos siman y mey pa pueblo bay urna electoral y manera programa, ya caba Censo a saca e carchinan di voto, manda nan postkantoor, pa asina reparti nan pa e ciudadanonan cu ta Hulandes, residencia y tin 18 aña pariba.
mr. Sharin Luydens, director di Censo a splica cu dia 7 di juni, esta ayera, a manda tur carchi postkantoor segun un postcode cu a duna nan pa sortia e carchinan mas lihe pa asina reparti nan. E proceso aki lo dura entre 2 pa 3 dia pa asina reparti 69.805 carchi.
Esaki ta segun e registro cu a cera dia 30 dia prome cu entrega di lista y repasa dia cinco di mei.
Asina mes tin hende ta bisa cu nan tin cierto preocupacion cu nan no a haya nan carchi ainda. Pero cu e entrevista aki, Luydens ta indica pa no preocupa, pasobra e carchinan a sali caba.
Pa mas detaye lesa matutino TREMPAN.
