Tin solamente 12 avion permiti pa bula den un horcan na mundo, dies ta wordo bula pa miembronan di Forsa Aereo Mericano. Teniente coronel Jeff Regusa, kende ta e chief pilot pa e avion di Hurricane Hunter. Tin dos otro avion cu tambe ta Hurricane Hunter, ta wordo bula pa NOAA, nan tey pa haci investigacionnan.
Esunnan di e Forsa Aereo Mericano, ta drenta den un horcan, pa haya sa kico ta pasando cu e tormenta, pa asina por saca un advertencia. Nan ta bay mas abao cu ta posibel, riba un manera sigur, ya cu ningun hende no kier sa kico ta pasa ariba, sino abao, unda cu tin hende y vivienda.
Nan ta baha mas abao cu ta posibel, pa haya informacion. Nan por manda e informacion eynan cada tanto minuut na e National Hurricane Center, via e satelite cu nan tin riba e avion. A base di e informacion eynan, ta haya informacion fresco, pa asina esnan na cas confia loke ta bisa. E avion ta provee e informacion, problemente ta eyfo. Nan ta bula 12 pa 14 ora pa cada mision. Nan tin un tripulacion di 5 persona riba un minimo, aunke cu sa trece mas persona si e mision ta mas largo y ta tuma turno pa drumi. Pero nan tin por lo menos 5 miembro abordo. Dos piloto y un navigator y dos experto di tempo incluyendo un meteorologo parti patras di e avion.
Tecnologia abordo
Regusa ta convenci cu ta un magia absoluto. Bao di e hala nan tin un Step Frequency microwave radiometer, cu nan ta yama Smurf. Nan por mira e olanan di awa y bisa kico ta e velocidad di e biento. Esey ta algo cu no por mira riba otro avion. Ta loke cu nan ta uza pa midi horcan. Tur avion moderno, ta mira velocidad di biento y direccion. Hopi di e informacionnan aki ya caba ta encarna den e avion. Tambe nan por midi e humedad.
Introduccion di tecnologia
Regusa a splica cu ningun hende kier sa kico ta pasa parti abao di un horcan y paden. Kico ta pasa mas cerca posibel di e superficie y no por haci esey cu un satelit, ta pesey nan ta manda un avion pa haci esaki.
Informacion
Ora cu papia di informacion en bibo pa haya un informacion, e ta un big deal y e tripulacion di e Hurricante Hunter ta contento di suministra esaki.
Ta hopi importante pa haci e trabao aki. Ta importante pa conecta e meteorologonan den Caribe cu e leadership team, ya cu mientras cu e informacion bin for di e avion, ta bay na un fuente central y esparci tur caminda, pa tur hende haya e mesun bon informacion.
