Diamars atardi, Prome Minister mr. Evelyn Wever-Croes a sali rumbo pa Hulanda, p’asina e por a reuni cu Secretario di Estado, Alexandra van Huffelen, relaciona cu e pago di 5% na e trahadonan publico, manera cu e mandatario a priminti nan.
Diaranson merdia, e mandatario, den un conferencia di video for di Hulanda a bisa cu no a logra yega na un acuerdo. Van Huffelen a bisa di no tin draagvlak den Conseho di Minister di Reino pa por desvia di e decision aki.
Di otro banda, el a bisa tambe cu el a splica Hulanda cu nan a haci tur lo posibel pa cumpli cu tur e condicionnan.
Pero el a duna ordo pa toch paga e 5% na e trahadonan publico y semi publico dia 24 di juli proximo. Tambe e mandatario a bisa cu tur ambtenaar si ta cobra e 5%, pero pa loke ta trata e semi publico, cada instituto ta esunnan responsabel y nan por determina kico nan a corta na prome instante, y kico ta duna bek.
