Pasa di mey anochi, patruya di Flex a topa cu un Yaris shinishi maneha pa un homber tipo rasta. A dune señal pa para pero el a nenga di para y a start un persecusion den area di Madiki cu a termina na un cas na Caya Frere Johannes.
Varios patruya di Playa, Noord y Santa Cruz a uni hunto pa asina duna un man. A purba para e auto y pone man riba e rasta cu a nenga instruccion di Polis. Ora e Yaris shinishi a para na un cura di un cas den Caya Frere Johannes, mesora a detene y bay cune warda di Playa. A hasi control riba e auto cu tabata riba caminda sin documento. A confisca e auto tambe.
E homber aki ta R Rasmijn cu ta biba na e adres final unda el a keda deteni. Mas biaha e ta molestia banda di beach den e zona turistico. E ta cana cu cachonan mey mey di turistanan y tambe a yega di gara mas biaha cu droga den e area. Hopi biaha el a bay warda caba y keto bay ta sigui den problema cu husticia.
