Ambulance a presenta na rotonde di Paradera pa atende cu un persona levemente herida despues di un accidente.
Esaki a tuma luga den careda di 11:00 am net un poco despues di e t-kruising di Club Caiquetio na Paradera. Un minivan di un compania, direccion Jaburibari, lo a bay den su banda contrario y impacta den e auto cu tabata yegando e rotonde.
Mirando cu e chauffeur a resulta herida, a pidi presencia di ambulance na sitio pa asina atende cu ne. Segun por a compronde na sitio, e chauffeur a tuma nota di maniobra straño di e minivan y corectamente a brake pero asina mes e minivan a bin dal den dje.
Impacto tabata fuerte y daño material ta considerabel.
A cera caminda parcialmente pa asina desvia e trafico y laga tur hende haci nan trabou trankil. Un rato despues tur cos a normalisa bek.