Dialuna marduga alrededor di 1:00 am polis a presenta cu urgencia den e area di Bluemoon cu Turino na Tanki Leendert pa vandalismo. A kibra den casi binti auto staciona band’i caminda. Ta e clientenan di e bar menciona, cu ora a yega na nan auto, a topa cu un sorpresa no agradabel.
A kibra den nan auto y a bay cu varios articulo di balor. Pa ta exacto, a kibra den diesocho auto. A cuminsa un investigacion mesora, a tuma tur informacion necesario for di e doñonan di auto p’asina contribui n’e proceso investigativo. Un rato despues, algun testigo a informa cu; a mira por lo menos tres hoben riba bais, cu lo ta esunnan cu a horta den e autonan. Na final, no a topa cu e sospechosonan cu a comete e acto aki.
