Diadomingo anochi e personal di Kustsurveillance, forma pa Polis y Duana, a detene un señora Latino na costa pariba di nos isla. Nos costanan ta extra vigila e dianan aki. Durante e vigilancia banda di Big Mama na Baby Beach a topa cu un pickup para luz paga. A acerca e auto y ta topa un pareha den un ambiente romantico. Nan no a spera presencia di Kustsurveillance.
Durante e control a ripara cu e dama no ta local. A pidi pa documento y e no por a mustra esaki. Pesey mes a detene a base di sospecho di ta ilegal na Aruba. Dogcatcher a bin y bay cune warda. Na warda lo chek via Warda Nos Costa si e ta legal.
E area den Colony ta mal caminda pa bay tene anochinan romantico. E area ey ta hot e dianan aki. Polis tin sospecho cu tin weganan ta wordo hunga tambe. Tin hende ta vigila e control cu tin y asina avisa esnan pafo ki ora nan por drenta. Asina ta haya caminda liber despues cu autoridad a caba di hiba nan control.
