Diabierna ultimo, durante un “alle hens” a entrega un Erekoord Koninklijke Marine na Marinier 1 Algemeen Maurits. A nomina e Marinier specifico aki pa e galardon dor di su actuacion pa un ciudadano, scapando su bida despues di un incidente na Hulanda. “Jij hebt gedaan wat we van een Marinier verwachten”, asina e Comandante a bis’e na momento di entreg’e su distincion special na Savaneta Kamp.
E suceso a tuma luga dia 30 di mei 2019 na Hoek van Holland na Hulanda. Tabata net dia a habri e temporada anual di beach pa e area ey. Un persona a resulta seriamente herida den un incidente pa cual e intervencion di e Marinier tabata crucial pa a scapa su bida. Despues di esey, na luna di juli, el a bin traha na Aruba pa cual awor a keda cla cu e nominacion pa el a ricibi su “erekoord”. Masha pabien!
