Na Great Rich Paradera algun hende a mira cuater persona den un KIA Rio color oro numera A-30475 y nan tabatin arma di candela. A notifica esaki na polis. Na yegada di polis, no a topa cu e hendenan aki. Esunnan cu tabata na sitio a duna e agentenan informacion di e hendenan aki y auto.
Den careda di 9:30 pm polis a topa cu e auto dilanti New Amsterdam y a bay over na detene e personanan aki. Polis a bay rista den e auto y a haya tanto e arma di candela como marihuana. A hiba e cuater personanan aki warda di polis na Playa pa presenta dilanti sub fiscal y despues transporta pa warda di Shaba.
