Diamars dia 1 di juni, e marketing team di Payroll Pro HRM a pasa bishita e resort mas nobo na Aruba, esta Radisson Blu Aruba, cu a bira cliente di e programa dos luna pasa.
A sinta bebe un dushi cappuccino cu Jouraine Vrolijk (HR manager) na Sunset Bistro, e rooftop restaurant cu tin un infinity pool y un bista incomparabel riba e lama y horizon di Aruba.
Jouraine a splica con a yega na Payroll Pro: “Ora e management team a puntra mi cua programa ami ta recomenda pa Payroll y HR, logicamente ami a propone Payroll Pro. Ya caba mi tabatin cuater aña trahando cu e programa, for di e tempo cu mi tabata traha como HR supervisor na The Ritz-Carlton Aruba, y tambe como HR manager na Bonaire pa Marriott International. Mi sa kico mi por spera di e programa y di e servicio di Payroll Pro HRM. Pa mi e tabata e unico opcion.”
Ora a puntra Jouraine con ta bayendo cu e programa mes, Jouraine ta añadi: “Nos tin actualmente dos luna trahando cu e programa y e servicio di Payroll Pro HRM ta hopi bon.
Semper por yama si tin qualkier pregunta y mail ta wordo contesta hopi lihe. Pa mi tabata hopi importante pa cuminsa di biaha cu e HR module hunto cu e parti di payroll, pasobra e ta necesario pa controla y keda up-to-date cu tur informacion di empleadonan. Y e portalnan ta yuda elimina tur e paperwork, nan ta hopi facil pa uza, y como manager pa wak tur ausencia ta hopi overzichtelijk.”
Jouraine ta comenta kico ta spera den futuro: “Ainda nos ta den e pre opening fase, pero por ripara si cu e mercado a cuminsa lanta bek. Nos ta premira cu nos ta bay tin hopi mas huesped, pues, mas empleado y usuario di e programa. Ora nos ta zover mi lo organisa un training di Payroll Pro HRM on-site pa tur e empleadonan.”
Radisson Blu Aruba, a habri official ariba 2 di april 2021 y tin 132 camber espacioso y moderno cu cushina ful ekipa. E propiedad tin en total 4 pool, di cual un di nan ta situa ariba e rooftop conhuntamente cu e restaurant Sunset Bistro, cu ta e luga perfecto pa organisa un evento di cocktail, of cualkier otro evento. Como Radisson Blu ta un upper-upscale resort, e balornan fundamental di hospitalidad ta resalta den e servicio brinda door di e management team y staf local, hoben y sumamente profesional.
Payroll Pro HRM, e programa desaroya na Aruba door di e programmeurnan local, ta existi desde 1993 y ta e software di HR y Payroll mas uza na Aruba y Caribe en general.
