Desde ayera Polis di Aruba tabata riba alerta pa un boto cu droga, arma y personanan ilegal cu lo tabata biniendo den nos direcion. Tanto Warda Costa di Caribe Hulandes, Warda nos Costa y ekiponan special di Polis tabata pendiente nan yegada durante “noche buena”. Pero autoridad Venezolano tambe a prepara pa nan, impidiendo cu nan a ni sali di awa teritorial Venezolano y a gara nan den nan intento pa yega e isla di nan soño.
Mester menciona cu durante e operativo, a haci uzo di ekipo y Polisnan di Corsou y Venezuela pa impedi cu e boto ta yega nos islanan. Pues nan nunca a logra drenta nos lama teritorial, pasobra autoridadnan Venezolano mes a logra intercepte.
Abordo a haya droga, arma y hende ilegal. Autoridad Venezolano mesora a informa nan coleganan di Aruba di e detencionnan aki.
