Dama a pasa den susto riba caminda di Paradera na momento cu e vehiculo cu e tabata coriendo diripiente a cende na candela. A pidi auxilio mesora pero e daño tabata devastado.
Esaki a tuma luga aproximadamente 1:30 pm den cercania di Rancho La Ponderosa na Papaya. Ta trata di un van Hyundai H1 color shinishi cu a kima practicamente completo. Por a tuma nota cu parti paden tabata ful kima.
Habitantenan tabata pasa y mira vlam ta bay halto. Segun por a compronde, e dama lo a fia e vehiculo di su casa y pasa den susto grandi ora esaki a cende candela cu ne na stuur. Na yegada di polis no tabata tin propietario presente. No tin informacion con ni ken pero a logra domina e situacion y afortunadamente no tabata ningun hende cu a resulta seriamente herida.
