Tabata algo pasa di 3:00pm cu Polis a presenta na Super Food pa un señora cu security a gara ta horta. Polis a atende cu ne y despues di scucha e declaracionnan a opta pa detene e señora como sospechoso di ladronicia.
Na e sitio e sospechoso, un Hulandes Europeo, a declara na Polis cu el a caba di kibra cu su pareha y a bira soltero. El a dicidi di bin haci compras, aunke e sa cu e no tin placa. A bay cu casi 200 florin na producto, entre otro bela y boternan di biña.
Polis a transporta e sospechoso pa Warda di Polis pa present’e dilanti un Sub Fiscal cu mester dicidi riba e procedura penal, cu por encera su encarcelacion of un multa. Ta nota cu ultimo dianan constantemente tin mas di e casonan aki, den cual ciudadanonan ta recuri na e economia facil, dor di horta pa por tin.
Despues di interogacion y Proces-verbaal, Polis a bah’e bek na Super Food pa e por a subi su auto y bay su cas. E productonan horta a keda den beslag como parti di e investigacion y e caso penal contra dje.
