Awe marduga, despues cu Toque de Queda a cuminsa, a notifica polis di un auto coriendo malo riba caminda grandi na San Nicolas bayendo abou. Mesora algun patruya a cuminsa busca y a logra par’e den bario di Savaneta. Ta trata di un auto marca Toyota modelo Vitz (RHD) cu number A-77116. A detene e chauffeur femenino mesora.
Ta corda tur hende cu pa por lo menos un siman mas, e ley di Toque de Queda ta vigente entre 12:00am pa 5:00am. E hecho cu pa algun dia polis no ta sali patruya marduga of no ta detene ningun hende, no mester bira motibo pa risca un chens.
Awe a detene varios persona riba caya despues di e orario indica pa TdQ. Fiscal a anuncia desde principio di lo duna un multa di por lo menos mil florin, pa violacion di e ley di calamidad aki, debi na e brote di Covid-19.
