Awe marduga net prome cu 1:00am a topa cu 2 persona ta cana riba caminda na Savaneta. Polis mesora a para nan y mirando cu ningun di dos por a hustifica nan presencia riba caya durante ora di Toque de Queda, a dicidi di detene ambos persona.
Polis a atende nan na e sitio mes riba nan comportacion y di no respeta e ley di TdQ, cu a bin precisamente pa evita mas contagio di Coronavirus na Aruba. A transporta nan pa ward’i polis pa ey duna cuenta dilanti un Sub Fiscal. E lo dicidi riba multa y encarcelacion of djis multa so.
