Awe marduga, durante patruya di polis, a bolbe bay na altura di edificio di parlamento pa detene Richi Danies y 2 persona mas pa TdQ. No ta prome biaha cu a detene Danies cu su hendenan.
Manera ta conoci, e prome dia di e famoso Toque de Queda, a sali brabo, pero ya riba e di dos dia Procurador General interino a para e accionnan, argumentando cu no tin suficiente base pa aplica un ordenansa asina pisa. Pero e mesun atardi, despues di un reunion di Crisisteam, e manda un relato di prensa den cual Ministerio Publico a indica cu e TdQ ta sigui toch.
Consecuentemente e dianan cu a sigui, casi no a detene ningun hende mas. Awe Danies ta sinti cu su detencion ta simplemente persecucion. El a admiti di lo sigui manifesta eybou y cu si nan kier sigui deten’e, cu esey nunca lo kibra su lucha.
