Diasabra pa 7:35 pm a sosode un caso di intento di asesinato den e bario di Mabon. Chauffeur di un auto marca Mitsubishi modelo Lancer color berde, a manda e auto riba un señora den e area. E victima a spanta masha y mester a tira su curpa abou pa evita lo peor. A yama polis mesora pa bin intermedia y saca afor kico ta problema di e homber aki.
Polis a cuminsa un buskeda den e area y na altura di Sero Alejandro, na Savaneta, a topa cu e vehiculo y a par’e mesora. Despues di un interogacion masha cortico, polis a dicidi di deten’e.
A confica e auto tambe pasobra durante control a constata cu e tabatin number di carton y no por a demostra ni seguro, nni keuringskaart y tampoco prueba cu su number di auto ta paga.
