Diadomingo atardi dos homber den Belgiestraat a bay den accion pa evita cu un homber ta sigui maltrata un dama severamente riba caya. Nan a traha fuerte cu e homber cu e momento ey tabata basta agresivo. A resulta cu e conocido Marko Tromp di Cuerpo di Bombero a bay busca drechi di su ex-casa. Parce cu e dosnan a divorcia tres luna pasa. Pa un of otro motibo el a dicidi di maltrata su ex-señora, un ehecutivo di banco, na compleho di apartamentnan na altura di e rotonde di Belgiestraat cu Engelandstraat.
E señora a haya basta sla. Polisnan na yegada a topa cu e agresor y testigonan cu a evita mas golpi riba e señora. Nan a conta kico nan a mira y kico tur nan a evita. Polis a topa cu e señora victima tambe di violecia domestico.
Ora Polis a mira e señora a pidi pa ambulance mesora. Polis analisando seriedad di e caso a detene e abusado. A bay cu e homber ward’i polis pa eynan present’e dilanti un sub fiscal pa dicidi riba su libertad of persecucion.
Paramediconan di ambulance a baha atende cu e victima den e compleho di apartamento. A dun’e asistencia eynan mes. E mesun persona aki tabata envolvi caba den noticia recien unda e yiu a bay dal e tata. E yiu den su rabia a bay te na kazerne di bombero, na trabou di e tata y dal e tata.
Un proceso di divorcio y separacion dificil andando cu ta bayendo man den man cu agresion inecesario. Nos a compronde cu no ta prome biaha cu e homber ta abusa di su ex-casa, aunke no ta na altura si a yega di entrega keho den pasado contra dje. Pero un persona cu un puesto asina na Cuerpo di Bombero, no por hay’e cada biaha den problema asina riba caya!
