Dialuna merdia un team special di polis a tene un accion, caminda a confisca basta mata di marihuana. A drenta un cas na Saliña Cerca y a topa cu un plantacion grandi di droga. Separa di e matanan di marihuana, polis a confisca un brommer na e cas.
Na e sitio a constata cu e recherchenan a detene dos hoben, sospecha di ta cultiva e matanan aki di forma ilegal. Ambos lo tin cu duna cuenta awo na autoridadnan riba e practica aki. Mester tene cuenta cu polis gara bo cu un sigaria di marihuana ta completamente diferente cu ora descubri un plantacion y topa cu artefactonan pa procesa e droga. Ta considera esey un negoshi y ta detene e personanan y ta confisca tur locual haya na e sitio, cu ta inclui auto, mashinnan y hopi mas.
Tur cos ta mustra cu a topa cu varios productonan special pa stimula crecemento di e matanan. Polis ta pidi comunidad pa yuda cu mas informacion, door di laga un tip anonimo na e number 11141.
