Diahuebs anochi alrededor di 10:20 pm polis a presenta den Rifstraat p’un caso di vandalismo. Aki ta caminda cu un desconoci a kibra glas di un auto marca Hyundai modelo Elantra color blauw staciona den e parkeerplaats di Kerki Protestant.
E doñ’i auto tabatin algun florin los den auto, di cual a cost’e cu a kibra e bentana di auto y bay cu e sennan larga. No ta mucho rato prome cu polis a atende cu dos caso mas di kiebro den auto. Tin tur indicacion cu ta trata di e mesun persona of grupo cu ta comete e acto aki. Polis a tuma tur informacion necesario y e proceso di investigacion lo cuminsa, buscando esunnan responsabel pa e acto aki.
Claro, camara di siguridad lo contribui n’e proceso investigativo aki. Por spera detencion na cualkier momento relaciona cu e caso aki.
