Habitantenan a bati alarma pa un persona tira riba caminda cu tabata mustra di ta bou di efecto di un substancia cu no a resulta muchu bon pa su salud. No a confirma ni descarta cu tabata trata di un of otro droga.
Esaki a sosode aproximadamente 12:12 pm den Canoastraat Playa. A pidi presencia di ambulance mesora na sitio pa atente cu un persona di aproximadamente 45 aña di edad. Polis tabata prome na sitio y por a tuma nota cu e persona no tabata mustra muchu bon.
A transport’e cu urgencia hospital. Ta spera cu no ta algo grave.