Turista poco bebi atraca den Playa. Tabata alrededor di 10:45 pm ora cu un turista masculino a bay cumpra un paki di sigaria na e supermercado na Doña Clara Building den Playa. Ora cu a yega su turno pa bay paga, e turista su cartera a cay den hende. Un adicto ambulante cu tambe tabata den e area mir’e cartera y a canta bingo.
A pasa man p’e mesora. Ora e turista a bay enfrent’e, el a saca un cuchiu p’e y core bay lag’e. Un chauffeur di bus, t’esun cu a cuminsa dal un buelta den Rancho pa wak si ta topa cu e turista of e atracado. A topa e turista n’e skina di Emmastraat cu John G. Emanstraat.
A bati alarma mesora na polis, a tuma tur informacion necesario. E turista na final a bisa polis cu e no kier deal cu nan, a ofrec’e pa dun’e un lift pa hotel, pero el a nenga e oferta di polis.
