Un ciclista tabata core den mondi di Calbas y pa un motibo of otro a cay y herida. Di biaha polis, ambulance y brandweer a mobilisa pa por presenta na e sitio y atende cu e ciclista.
Tur personal cu a presenta a haya nan mes ta cana e ruta cu e ciclistanan ta uza pa core. A pidi pa helicopter presenta y ilumina e area pa por atende cu e ciclista. E paramediconan a presenta cu diferente material necesario pa brinda e servicio necesario.
Despues cu e ciclista a cay, el a bay fo’i tino y esey a pone cu mester a presenta cu maximo urgencia. Segun informacion ricibi y no confirma, e ciclista ta herida tanto na cabes como heup. E situacion di e ciclista ta basta serio.
