Prome Minister di Corsou ta na Aruba y a haya invitacion fo’i Cuerpo di Aduana pa tabata presente n’e celebracion di Dia Internacional di Aduana. Despues di ceremonia di misa, e duaneronan a cana bay direccion Club San Martin y aki por a mira e banderanan di Aruba, Corsou, Boneiro, Hulanda y Merca.
Gilmar Pisas, Prome Minister di Corsou, a splica cu e cuerpo di Aduana cu a bin Aruba a pidi p’e tabata presente. Tambe el a indica esunnan cu a bini mester keda labora, pasobra e entradanan mester keda mesun cos. E tabata sumamente encanta di por tabata presente.
Como cu Cuerpo di Aduana a pidi pa e tabata presente, el a percura pa honra e peticion. Tanto su persona hunto cu Minister di Finansa, mr. Xiomara Maduro, tabata presente unda cu por a mira e union. Por a mira e Cuerpo di Aduana di Merca cu ta representa na Aruba, di Boneiro tambe. Segun e mandatario, por a mira claramente cu tin unidad den nan.
E duaneronan a manda un mensahe cla p’e mandatarionan, cual nan kier e atencion necesario. Pisas a splica cu na Corsou nan a cuminsa. E ta kere cu e otro paisnan respectivamente lo haci mescos. Duana ta esun cu ta trece placa den caha di gobierno, un di e partnernan grandi. Mester duna nan respet, y segun Pisas, esey ta loke el a haci. Duna e duaneronan respet y mustra nan di ta aprecia nan, y cu nan ta haciendo un sacrificio enorme na bienestar dje paisnan.
