Compara cu e resumen di ayera, casonan activo di COVID-19 a aumenta cu 11, haciendo esaki na 523 caso, compara cu 512. Loke ta resalta ta cu e cantidad di persona den Cuido Intensivo ta keda aumenta, e biaha aki na 12, compara cu ayera, e tabata na 10. Pa loke ta unidad general di COVID, tin 19 persona interna.
Pa loke ta e resumen di awe, un total di 28 persona a recupera, a registra un total di 39 caso nobo di Covid-19, di cual 38 ta residente y 1 no-residente. Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 336 test. ‘Postivity rate’ entre nos residentenan ta 17%.
Cantidad di fayecido relaciona cu Covid-19 ta 52 persona.
Ta keda urgi comunidad pa keda mantene na e protocolnan estableci pa DVG, manera e uzo di tapaboca, laba man frecuentemente y si esey no ta posibel, uza handsanitizer. Keda mantene distancia di 1,5 meter pa asina preveni plamamento di e virus mas cu ta posibel.
